Surstey 50 ára - Alþjóðleg vísindaráðstefna í Reykjavík 2013.

Surtseyjarfélagið hefur ákveðið að standa fyrir alþjóðlegri vísindaráðstefnu á næsta ári í tilefni þess að liðin eru 50 ár frá upphafi Surtseyjargoss. Ráðstefnan verður haldin í Reykjavík 12.-15. ágúst 2013 og m.a. verður boðið upp á dagsferð til Vestmannaeyja. Útbúinn hefur verið bæklingur þar sem fram koma fyrstu upplýsingar um ráðstefnuna. Bæklinginn má nálgast hér.

Sett hefur verið upp skráningarsíða fyrir ráðstefnuna þar sem einnig má finna ýmsar gagnlegar upplýsingar. Til að skoða hana, eða til að skrá sig, er hægt að smella á hnappinn hér til vinstri "Surtsey 50 ára - Ráðstefna 2013".

Vísindamenn sem tengjast rannsóknum á eldfjallaeyjum á einn eða annan hátt eru hvattir til að taka þátt í afmælisráðstefnu Surtseyjar 2013.

 

 

Velkomin á heimasíðu Surtseyjarfélagsins.

Surtseyjarfélagið hefur verið starfandi síðan 1965, tveimur árum eftir upphaf goss í Surtsey. Frekari umfjöllun um félagið er að finna hér.

Síðunni er ætlað að vera almenningi og áhugasömum brunnur fróðleiks um eyjuna og þróun hennar. Hér er að finna helstu upplýsingar um uppruna Surtseyjar og þróun hennar bæði hvað jarðfræði snertir og líffræði.

Vísindamenn og fræðimenn, hver á sínu sviði, hafa lagt til þann texta sem hér er að finna og verður hann uppfærður og yfirfarinn reglulega. Sjálfsagt er að vitna í textann og ber þá að geta heimilda.

 

 

Surtsey á heimsminjaskrá UNESCO

Í júlí 2008 var Surtsey og friðlandið umhverfis skráð á heimsminjaskrá Sameinuðu þjóðanna (UNESCO) sem einstakur staður náttúruminja á heimsmælikvarða. Eyjan hefur verið verndað friðland frá því að hún myndaðist í eldgosi og því einstök rannsóknarstöð en það skipaði sérstöðu eyjunnar að því að fram kemur í rökstuðningi heimsminjanefndar UNESCO.

Nánari umfjöllun um tilnefninguna er í vefútgáfu "The UNESCO Courier" (á ensku).

Skýrslu Náttúrufræðistofnunar um tilnefningu Surtseyjar má nálgast hér