Upphafssíða
Almennt
Jarðfræði
Líf í sjó og fjöru
Líf á landi
Myndir og kort
Rit og heimildir
Áhugaverðir tenglar
 
IN ENGLISH
 

 

 

Málstofa á Líffræðiráðstefnu tileinkuð 50 ára afmæli SurtseyjarMßfavarp

Þann 9. nóvember s.l. stóð Surtseyjarfélagið fyrir málstofu um rannsóknir á lífríki Surtseyjar. Þessi málstofa var hluti af Líffræðiráðstefnunni 2013, sem haldin var í Öskju Háskóla Íslands í Reykjavík, dagana 8.-9. nóvember. Þetta var gert til að vekja athygli á 50 ára gosafmæli Surtseyjar 14. nóvember.

Á málstofunni voru haldin fimm erindi sem fjölluðu um nýjustu rannsóknir á ýmsum mismunandi lífveruhópum í Surtsey, allt frá jarðvegsörverum til fugla. Málstofan vakti talsverða athygli og alls tóku 47 manns þátt í henni, þrátt fyrir að hægt væri að velja milli fjögurra mismunandi málstofa á Líffræðiráðstefnunni.

Eftirfarandi erindi voru flutt á málstofunni:

Bjarni Diðrik Sigurðsson: Rannsóknir á þróun lífríkis eldfjallaeyja í heiminum [ágrip] [glærur]

Karl Gunnarsson: Aðflutningur og uppvöxtur lífvera í neðansjávarhlíðum Surtseyjar [ágrip] [glærur]

Niki Leblans: Áhrif sjófugla á uppsöfnun næringarefna í jarðvegi og vöxt plantna í Surtsey [ágrip] [glærur]

Borgþór Magnússon: Framvinda gróðurs og þróun vistkerfis í Surtsey [ágrip] [glærur]

Viggó Þór Marteinsson: Landnám örvera í mismunandi jarðvegsgerðum Surtseyjar [ágrip] [glærur]

Mjög skemmtilegar umræður urðu á milli frummælenda og áheyrenda í lok málstofunnar. Áhugasamir geta skoðað ágrip erinda og fyrirlestrana sem pdf með því að smella á [glærur].

Einnig geta áhugasamir nálgast ágrip erinda ráðstefnunnar á slóðinni: http://biologia.is/liffraediradstefnan-2013/dagskra/

/13. nóvember 2013/

 

 

SURTSEY 50 ÁRA AFMÆLISRÁÐSTEFNA 2013Surtsey 50

Surtseyjarfélagið stóð fyrir alþjóðlegri vísindaráðstefnu í tilefni þess að í ár verða liðin 50 ár frá upphafi Surtseyjarelda. Ráðstefnan var haldin í Reykjavík 12.-15. ágúst 2013.

Dagskrá og ágrip erinda - Programme and abstracts

Eldra efni tengt ráðstefnunni:

Announcement in Frontiers of Biogeography by Henning Adsersen

Surtsey 50th Anniversary Conference - 2nd Circular

Surtsey 50th Anniversary Conference - 1st Circular

/uppfært 16. ágúst 2013/

 

 

VelkominVelkomin á heimasíðu Surtseyjarfélagsins.

Surtseyjarfélagið hefur verið starfandi síðan 1965, tveimur árum eftir upphaf goss í Surtsey. Frekari umfjöllun um félagið er að finna hér.

Síðunni er ætlað að vera almenningi og áhugasömum brunnur fróðleiks um eyjuna og þróun hennar. Hér er að finna helstu upplýsingar um uppruna Surtseyjar og þróun hennar bæði hvað jarðfræði snertir og líffræði.

Vísindamenn og fræðimenn, hver á sínu sviði, hafa lagt til þann texta sem hér er að finna og verður hann uppfærður og yfirfarinn reglulega. Sjálfsagt er að vitna í textann og ber þá að geta heimilda.

SurtseyjarfÚlagi­ - The Surtsey Research Society - P.O. Box 352 - 121 Reykjavik - Iceland - surtsey@ni.is